تأسيس الأطفال في اللغة العربية
خطوات تأسيس الأطفال في اللغة العربية
كتابة الحروف بطريقة صحيحة ولازم يعرف كل حرف مخرجه إزاي لازم نطلع طفل فاهم كل حرف طالع إزاي المفخم مفخم والمرقق مرقق واللثوي نطلع طرف لسانا.
تماااارين كتير ووسائل تعليمية كتير نثبت المعلومة مفيش تمارين ووسائل مفيش كلمة هتثبت.
خلصنا الحروف والطفل عرف إملاء كل حصة عشوائي بناخذ الحروف بأشكالها من البداية.
- الحروف اللثوية والمفخمة والرافسة والمتشابهة في النطق وتمااارين مننساش.
يلا نجررري ونحكي قصة ونبدع وندخل حركة الفتح بس نكون متأكدين من إن الطفل اتقن كل اللي فات نأخذ كلمات من 3 حروف ونستهجي صح قراءة ثم املاء وجمل قراءة وإملاء اتقن الفتح كويس أوي جدًا.
حركة الكسر وزي ما عملنا في الفتح هنعمل في حركة الكسر كلمات 3 حروف ثم جمل قراءة وكتابة.
حركة الضمة كلمات 3 حروف ثم جمل قراءة وكتابة وتمااارين مننساش.
الحركات الطويلة وهي المدود هناخد المد بالألف قراءة وإملاء كلمات وجمل وحلل إلي مقاطع صوتية.
المد بالياء وزي ما عملنا في المد بالألف هنعمل في المد بالياء والواو مع التحليل.
هناخد قطع نستخرج منها الثلاث مدود ونهيأ الطفل لشكل القطعة.
السكون وشكلها في المصحف وكتاب المدرسة وواحدة واحدة نبسطها هتيجي مع الطفل قراءة ثم إملاء كلمات وجمل وحلل إلي مقاطع صوتية.
الشدة أو التنوين وأنواعه ومهم جدًا شرحها وإملاء عليها علي حسب قدرات الطفل لو بينسي نبدأ بالشدة عشان فيها قصة السكون بردو قراءة وكتابة كلمات وجمل من القرآن الكريم ومن كتب خارجية وتحليل إلي مقاطع صوتية.
كراسي الهمزة وقصتها ولعبها مع الحركات.
الفرق بين التاء المفتوحة والمربوطة والهاء المربوطة
(أساليب وتراكيب) النحو
ياء الملكية
اللام الشمسية والقمرية
المذكر والمونث
المفرد والجمع والمثني
ضمائر المتكلم والغائب والمخاطب
أسماء الإشارة
حروف الجر
الإسم والفعل وأنواعه
أسلوب النداء والتعجب والنهي والاستفهام
دول أهم ٢٠ قاعدة فى بداية التأسيس :
1- نبدأ مع قاعدة الفتح أَ. بَ. تَ لحد منوصل لحرف ال يَ
٢ــ فى الوقت اللي هحفظه فيه حروف الفتح ابدا اعرفه ان الحروف بتمد ايديها عشان تسلم على الحرف اللى جاى يقعد جمبها
٣- ويعرف ف نفس الوقت اشكال الحروف اول ووسط وآخر الكلمة ..
٤- ابدأ اجمعله حرفين فتح مع بعض واقوله ماسكين فى بعض وادربه كإملاء وقراءة .
٥- اعرفه ان فيه حروف اسمها الحروف اللثوية ودى ٣حروف بطلع فيهم طرف لسانى وانا بنطقهم وهم ال(ث.. ذ.. ظ)
٦- ونشتغل معاهم اننا نعرفهم ان فيه ٦حروف اسمها الحروف الرافسة ودى حروف مينفعش يشبكوا فى الحروف اللى بتيجى بعدها عشان بترفسها وتبعد عنها والحروف دى (أ.. د.. ذ.. ر.. ز.. و)
٧- خلاص ابنى اتقن انه يشبك اول حرفين فى الكلمة مثال حَمَ.. لَعَ... غَفَ..
ابدا ازود حرف على الحرفين دول وادربه كويس بانى املى كتير جدا جدا جدا ويقرأ بكثرة
٨- فى الفترة دى مهم فيها التدريبات جدا يعنى مثلا ممكن اكتب تدريب كلمة والحرف اللى فى النص ناقص واملى الكلمة ويكمل الحرف اللى سمعه فى النص وممكن اعمل نفس الطريقة مع الحرف الاخير
٩- ابدأ اميزله بين الحروف اللى بتلغب فى الاملاء ومخارجها شبه متشابهه زى ال ث.. س
ال س.. ص
ال غ.. خ
ال ق.... ك
ال ت.. ط
عن طريق كلمات يسمع كل حرف مخرجه ازاى
١٠- اديله ازاى يحلل الى مقاطع صوتيه عن طريق انى اقوله كل حرف هيقعد فى بيت لوحده لو الكلمة من ٣حروف اعمله ٣مقاطع ولو الكلمة من ٤حروف اعمل ٤مقاطع
١١- ابدا انى اديله دمج الحروف مع بعض عشان يقدر يشوف مجموعةحروف ويشبكهم ويكون كلمة
١٢- اعرفه ان فيه حروف اسمها الحروف المفخمه ودى حروف لازم اقولها وانا قويه مجموعة فى كلمة "" خص. ضغط.. قظ.. "" " والحروف دى ال"خ. ص. ض. غ. ط. ظ. ق"
١٣- دلوقتى وصلت فى مرحلة تأسيسي لانه عرف كلمة فتح قراءة وكتابة كويس جدا ابدا اديله حروف الكسر واعمل زى معملت فى قاعده الفتح بالظبط لكن هضيف انه يتملى كلمة فيهاحروف فتح وكسر مع بعض ويميز مبين وانا بفتح فمى بالحرف وانا بكسر فمى بالحرف
١٤- لقيت ابنى اتقن حركة الفتح والكسر كويس جدا ويقدر يميز مبين الحرف المفتوح والحرف المكسور اديله قاعدة الضم واقوله ان الضمة مكانها فوق الحرف تخلينى اضم فمى واديلوا اصوات الحروف وهى مضمومه
١٥- بعد مياخد الحروف المضمومة اديله ال٣حركات مع بعض فى كلمة واحده واهتم جدا فى الفترة دى بالقراءة والكتابة
١٦- بعد ما الطفل يخلص الحركات القصيرة ابدا اعرفه ان لكل حركة قصيرة حاجه بتطولها يعنى لكل حركة قصيرة مد بيطول صوتها
١٧- هديله المد بالالف واقوله ان الحرف المفتوح صوته قصير عشان صوته يبقي طويل جاب المد بالالف عشان يطول صوته وان المد يالالف والفتحة صحاب لازم يجوا مع بعض
١٨- اعرف طفلى ان ماينفعش المد بالالف يجى مع حرف مكسور او حرف مضموم وده اركز عليه جدا جداجدا
١٩- اعرفه ان الحرف المفتوح اللى بيجى قبل حرف المد ده اسمه الحرف الممدود
٢٠- هعرف الطفل لو سألنى يعنى اى ممدود هقوله عشان جه المد مد طوته وطوله
