المجتمع المصري قبل الحملة الفرنسية

أولا: الحالة الاقتصادية: (فيها نتكلم عن الزراعة والصناعة والتجارة) 

1_الزراعة: 

_الأرض كانت ملك للدولة ممثلة في السلطان العثماني كانت تزرع عن طريق الفلاحين بعد تسديد الضرائب ويعرف ذلك بحق الانتفاع 

_هذه الضرائب كانت تجمع بواسطة ملتزمين، (الملتزم كان يستفاد ايه بقي لما يجمع الضرائب من الفلاحين🤔كان يأخذ قطعة أرض معفاة من الضرائب (تعرف الوسية) هذا الملتزم مع الأسف كان يستغل نفوذه ويفرض إتاوات على الفلاحين  😥 ده غير الضرائب المقررة عليهم أصلا 😟 طماع الملتزم ده😠 يكسب أكثر على حساب الفلاح المسكين مش مكفيه انه يأخذ قطعة أرض معفاة من الضرائب لا كمان يأخذ فلوس من الفلاحين بلطجة كده 😒 بدون وجه حق 😠وكانت نتيجة سطوة الملتزم وجشعة ايه🤔 الفلاحين قالوا واحنا هنتهم بالزراعة ليه 🤔وهى اصبحت بخسارة علينا يعني ندفع للسلطان ضرائب وكمان الملتزم يأخذ مننا إتاوة😢خلاص مش نهتم بالزراعة اصلا الدولة مش مهتمة بالري ولا بتقوي الجسور عشان تقاوم أي فيضان محتمل، يبقي انا اهتم ليه فكل ده طبعا أدى لتدهور الزراعة.

 عزيزي الطالب بعدما  الزراعة تدهورت 😟  تعالوا  نشوف الصناعة أخبارها ايه 🤔    

2_ الصناعة: (تدهورت) برضوا 😟لا حول ولا قوة إلا بالله مش كفاية الزراعة  😟

طيب الصناعة كانت متدهورة ليه  عشان كانت صناعة يدوية بسيطة يعملوا بأيدهم مش عندهم آلات حديثة زي آروبا،  كمان الصناع كانوا عاملين طوائف تمثل همزة وصل مع الحكومة كانوا يجمعوا الضرائب ويشرفوا عل الإنتاج، (يعني ايه طوائف كل مجموعة من العمال لهم ريس بيكون واسطة بينهم وبين الحكومة تمام كده😒)  طوائف الحرف الصناعية دي كانت جزء من نظام الطوائف في مصر اللي  يضم اصحاب المهن المختلفة و لكل فرد منهم مكانته تحت قيادة شيخ الطائفة.

3_ التجارة:

 بسبب تحول الطريق التجاري بين الشرق والغرب إلي طريق رأس الرجاء الصالح، مصر خسرت كتير  ليه بقت خسرت🤔 تعالوا اقولكم خسرت ليه😟

  أولا:             لأن صلاتها التجارية اقتصرت بحوض البحر المتوسط والسودان والحبشة وبلاد العرب واليمن.

ثانيا: تجارتها الداخلية تأثرت طبعا لعدم استقرار الأمن واشتداد النزاع بين الفرق العسكرية والغارات المستمرة لبدو الصحراء وعدم ثبات العملة المتبادلة واختلاف المكاييل والموازيين من مكان لآخر؛ كل هذه الأحوال مكنت التجار الأجانب  من السيطرة على التجارة (استغلوا الفرصة طبعا 😞ما فيش استقرار😟 في نزاع بين الفرق😟 في غارات بتسرق وتنهب😟 ما فيش ثبات للعملة 😟المكاييل مش واحدة كل مكان له مكيال 😓)

 كمان من أسباب سيطرتهم على التجارة تنظميهم من ناحية (كانوا منظمين ولاد الإيه دول )😒

وكانوا لهم امتيازات تجارية تمتعوا بها من ناحية تانية ( امتيازات مخصوص لهم هما بس طبعا 😏ما هما ولاد البطة البيضة😒) ما علينا 🤫🤫🤫

وكمان إرسال الضريبة المفروضة على مصر وهدايا كتيير كتيير  للسلطان العثماني   😏😏كل ده عزيزي الطالب أدي إلي التدهور الاقتصادي🙁😥 (وده طبعا كانت  نتيجة متوقعة ما هو لو كان فيه استقرار 

وما فيش نزاع وما فيش سرقة ولا نهب و نكيل بمكيال واحد وبقينا  ايد واحدة مستحيل حد يقدر علينا 🤝✌ )

عزيزي الطالب نكتفي بهذا القدر 🥱 وللحديث بقية 😎ما تنسوا تذاكروا الجزء المتدهور ده🤫

دمتم في حفظ الله ورعايته😊🤗