تابع نزول الحملة الفرنسية إلي مصر في أول يوليو عام 1798م

تابع نزول الحملة الفرنسية إلي مصر في أول يوليو عام 1798م

0 المراجعات

مرحباً أعزائي طلاب الثانوية🥰 🤗

     فاكرين اتكلمنا في ايه المقال اللي فات🤔🤔 اتكلمنا عن 1_نزول الحملة الفرنسية لمصر  2_مقاومة أهالي الإسكندرية 3_مقاومة المماليك في موقعتي شيراخيت وإمبابة (صح🥰)

من الأفضل تراجعوا على المقال اللي فات مجرد قراءة مرة واحدة بس 🤗🤗 عشان تفتكروا و تقدروا تربطوا الأحداث ببعضها (تمام🥰 🥰)

بعد ما قرأتم ع السريع كده 🥰 🥰👍 👍 المقال اللي فات نكملوا بقى ونشوفوا ايه اللي حصل في  👈  1_ موقعة أبي قير البحرية ،  👈 2_ مقاومة أهالي الصعيد الشجعان ،  👈  3_ ثوة القاهرة الأولي

1_  موقعة أبي قير البحرية:

       في أغسطس 1798م تمكن نلسون قائد الأسطول الإنجليزي من إغراق أسطول الحملة الفرنسية في موقعة أبي قير البحرية وبكده قضي على آمال فرنسا انها تسيطر على حوض البحر المتوسط

وكمان حرم الحملة من إمدادات فرنسا لها. 

2_ مقاومة أهالي الصعيد:

        اتجه نابليون بونابرت إلي الصعيد للقضاء على المماليك بقيادة مراد بك لخطورة ذلك على الملاحة في نهر النيل لكن مراد بك رفض التسليم للفرنسين مقابل حكمه للصعيد تحت إشراف الفرنسين 

في الأول نابليون انتصر عليه لكن أهالي الصعيد الشجعان لم يستسلموا  واشتعلت روح المقاومة عندهم  وتعاون معهم بعض قوات المماليك  وكمان انضم لهم قوة من الجزيرة العربية لغاية ما دوخو الفرنسيين 😅 😅 وخلوهم  رايحين جايين بطول الوادي 😅 😅كانت حرب انما ايه حرب مناوشات مثيرة 😅 😅 ومقاومة اهالي الصعيد استمرت عشرة شهور تقريبا من الآخر عاش اهالينا في  الصعيد🤗🤗

3_ثورة القاهرة الأولي:

      الأزهر الشريف قاد المقاومة ضد الاحتلال الفرنسي وقتل الحاكم الفرنسي للمدينة ودي كانت( ثورة القاهرة الأولي في أكتوبر1798م) واشتعلت الثورة في الأقاليم المجاروة للقاهرة وطبعا الفرنسيين الأندال مسكتوش على قتل الحاكم الفرنسي استخدموا القمع والإرهاب وأعدموا كثير من الثوار 😥 😥مش بس كده دخلوا الجامع الأزهر بخيولهم  😱 😱 وده طبعا أثار الشعور الديني عند المصريين لغاية الأزهر والمساجد واستوب. 😡 😡 

4_التحالف العثماني الإنجليزي الروسي:

     تحالفت الدولة العثمانية مع انجلترا وروسيا لإخراج الفرنسيين من مصر بالقوة العسكرية وذلك بإرسال حملتين الأولي برية قادمة من الشام والثانية بحرية متجهة إلي الإسكندرية ولما نابليون عرف بقدوم الحملتين خرج بحملة عسكرية إلي الشام( مارس1799م) لكن فشل في اقتحام مدينة عكا بسبب حاصنتها و شجاعة اهلها في الدفاع عنها بقيادة حاكمها أحمد باشا الجزار وكمان الاسطول الانجليزي تعاون معهم  ✌ ✌ قام نابليون انسحب🤭 🤭 ورجع تاني القاهرة ومجرد ما وصل جاله خبر عن وصول الأسطول العثماني إلي أبي قير (يوليو 1799) فذهب لهم وهزمهم 🥺 🥺  وبعد كده قرر نابليون يرجع فرنسا لكن في السر 🤫 🤫وده ليه بقي🤔🤔عشان يواجه المتاعب اللي تعرضت لها الحكومة الفرنسية مع النمسا وحلفائها لكن قبل مايرجع فرنسا ترك نائبه كليبر قائد للحملة والكلام ده بالتحديد في( أغسطس 1799م) لكن كليبر فهم ان من المستحيل بقاء الحملة في مصر بسبب تناقص أعداد الجنود الفرنسيين كمان الدولة العثمانية مكنتش ساكتة كانت مستمرة في بعث حملات ضد الحملة الفرنسية وده غير مقاومة المماليك لهم  وثورات المصريين الأبطال✌ ✌قام كليبر عمل ايه🤔🤔 عرض علي السلطان العثماني وقائد الأسطول الإنجليزي قالهم احنا ممكن نخرج من مصر  🚶‍♂️ 🚶‍♂️ لكن على نفقة الدولة العثمانية 🤭 🤭 ودي عرفت ب ( معاهدة العريش يناير 1800) لكن حكومة انجلترا رفضت و اصرت على استسلام القوات الفرنسية فضطر كليبر انه يهاجم القوات العثمانية وطردهم إلي الشام. 🥺 🥺

أعزائي طلبة الثانوية العامة نكتفي بهذا القدر وإن شاء الله نكمل في المقال القادم اللي هنتكلموا فيه عن ثورة القاهرة الثانية ، جلاء الحملة الفرنسية عن مصر    

 

سلام  👋  🤗 🤗

مع خالص أمنياتي لكم بالتوفيق والنجاح🥰 🥰

دمتم بحفظ الله ورعايته 🤲

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

32

متابعين

52

متابعهم

24

مقالات مشابة