نصائح لطلاب البكلوريا في سوريا 2024
بكلوريا سوريا 2024:
•ضايج من الدراسة وتعبان؟
•لسا باقيلك كتير لتخلص المنهاج؟
•حاسس حالك ضايع بعد قرار الأتمتة؟
تابع معنا لتلاقي الحل:
السلام عليكم ورحمة الله وبركاته
كيفكن بكلوريا ٢٠٢٤
بعرف أغلبكن أو معظمكن هلق متلبك وماعرفان شو يعمل خصوصاً بعد قرار الأتمتة يلي طلع بوقت مو مناسب لهيك حبيت ساعدكن بهالكم كلمة يلي رح احكيهن.
•أول الشي إذا أنتو عم تقضوا أغلب وقتكن بنفس الغرفة أو بنفس المنطقة إجباري رح تطقوا ونفسيتكن رح تتعب لهيك لازم وضروري كل يوم تحطوا شي ساعة أو ساعة و نص تتطلعوا لبرا عالشارع مو مع رفقاتكن لا اطلع تفرج عالعالم شوف كيف عم تعيش وبعدين ارجعوا عالبيت. وحاولوا تضلوا عم تغيروا جو بس بوقت محدد وقصير
•تاني شي بالنسبة لتخليص المنهاج إذا انتو مقصرين بدراستكن فلازم تعرفوا كيف تداركوا الموقف بسرعة وبجدية. يعني لازم تعرف انو فتنا بالعد التنازلي ما عاد في وقت للضحك للعب لتضييع الوقت خلص انسوا كل هالشغلات هنن كم شهر وبتحددوا مستقبلكن بناءً على دراستكن وتعبكن.
هلق كيف طيب بدي اتدارك النقص يلي عندي؟ انا بقلك كيف
نزل التيليجرام وفوت على بوت اسمو بوت التجمع التعليمي محطوط فيه كلشي بيلزملك كطالب بكلوريا وبيناتن في اسماء استاتذة بيشرحوا عاليوتيوب والتيليجرام واستاذة جبارين يعني لهيك ماعاد تحطوا حجج وقومو يلا درسوا ولا تضيعو وقت.
•آخر شغلة بالنسبة للأتمتة انتو كطلاب عليكن تدرسوا بكل ما اوتيتم من قوة وبس وكيف ما اجت الأسئلة تجي بكونكن حارقين المادة حرق. وانا برأيي أنو قرار الأتمتة لصالح الطالب لانو هيك الجواب قدامكن بس دوروا عليه يعني بطل في حفظ بصم هلق صار كلشي بيعتمد عالذكاء وبس. وانتو بالأخير متل ما قلتلكن درسوا منيح ولا تضلوا تفكروا بالأتمتة وبأذن الله ما حدا بخيب بس توكلوا على الله وقولو آمين.
و بالأخير بتمنالكن كل التوفيق و النجاح المستمر و ان شاء الله بتوصلوا لأحلامكن و ان شاء الله تضلوا بخير وسعادة يارب🤍
بالتوفيق يا وحوش ال2024🤍
رابط بوت التيليجرام:
