نصائح لطالب ثانوية عامة

الثانويه العامه من اكبر المشاكل اللي بتواجهنا في مصر

 كطلاب ثانويه عامه لازم اجيب مجموعه عشان ادخل طب او هندسه وإلا هكون زي عامه الشعب

 للاسف ده اعتقاد خاطئ في بعض المجتمعات وخاصه في مصر انه لازم اكون طبيب او مهندس عشان يكون ليا شأن في المجتمع وإلا فأنا فاااشل 

للاسف مش عندنا الوعي الكافي بالكليات اللي هيكون ليها مستقبل رائع في السنين الجايه كل اللي احنا شايفينه بس انه طب او هندسه دي كليات مجموعها عالي فهي كليات القمه فقط واذا لم ادخلها فانا لم استطع تحقيق كياني وتميزي عن الاخرين

ومن هنا بتبدا مشكلات طالب ثانويه عامه وهي النفسيه

 

 نفسيه الطالب من اهم الحاجات اللي ممكن تاثر على انتاجه وعلى ذكائه

 فاذا كان الطالب مضغوط بسبب هذه الفكره انه لازم يجيب مجموع عالي فدي بتسبب مشاكل نفسيه كبيره جدا للطالب وممكن كمان لولي الامر 

 

المشكله دي نعالجها ازاي؟؟

عن طريق ان احنا نوعي بعضنا بالكليات اللي هيكون ليها مستقبل واللي مش شرط خالص انه يكون مجموعها

 عالي  سبيل المثال  الكليات اللي هتكون ليها مستقبل رائع جدا زي اي كليات لها علاقه بالبرمجه والذكاء الاصطناعي وهتحقق ارباح كبيره جدا على العكس طب وهندسه او صيدله حتى 

وعشان نقدر حل مشكله مصطلح كليات القمه لازم يكون عندنا قناعه انه النجاح مش مرتبط بكليه

النجاح مرتبط بالشخص نفسه وبمخه وطريقه تفكيره

 ممكن شخص يدخل اي كليه لكن يقدر يبدع فيها هيكون ليه قيمه وشان عن دكتور او مهندس داخل الكليه عشان بس فكره ان دي كليه القمه او اني عايز افرح اهلي فادخل الكليات دي وانا اصلا مش عندي ميول ليها 

فلازم اهم حاجه ندخل الكليه اللي عندنا ميول ليها

 اللي فعلا حاسين ان احنا هنبدع فيها انه مش شرط كليات طب هندسه صيدله علوم مش شرط خالص

 واخيرا نقدر نقول إنه انتهى مصطلح كليات القمة تماماً 

احنا ف زمن التكنولوجيا الحديثة يجماعه حرام عليكم بقى تكرهوا حياتكم بسبب كليه واحنا في زمن التطور 

وسلام