اسهل ٣ خطوات لتعلم اي لغه في البيت
اسهل ٣ خطوات لتعلم اي لغه في البيت،هتساعدك جدا في تحسين مستواك في اي لغه هتساعدك في تعلم اي لغه بسرعه جدا خطوات بسيطه هتوفرلك مجهودك ووقتك وكمان هتلاحظ نتائج كويسه وسريعه في مستواك تابع معايا خطوه بخطوه لو حابب ان تتعلم اي لغه في البيت لوحدك من غير اي كورسات.
ازاي ابدأ في تعلم اي لغه في البيت؟
اول حاجه تجهز النوت بتاعتك،النوت دي هتبقى معاك دايما تخصصها لتعلم اللغه هتستخدم النوت دي في ايه بقا، اي حاجه هتتعلمها سواء كلمات، جرامر ،جمل هكتبها في النوت دي عشان متنساش اللي بتعلمه وكمان تقدر ترجع للنوت دي في اي وقت بعد كده.
خطوات تعلم اي لغه في البيت؟
٣خطوات مهمه جدا لتعلم اي لغه في البيت هقولك على اول خطوة وهي:الاستماع،الاستماع للغه كل يوم مهم جدا عشان تحسن نطق اللغه الاستماع الكتير هتتعود على النطق وتتعرف على كلمات جديدة انت مش عارفها وطبعا هكتبها في النوت متنساش تكتب اللي بتعلمه وتمارسه.
تاني خطوه وهي:القراءة زي قراءة الكتب،روايات،قصص المهم انك تبدأ تقرأ واحده واحده هتلاقي النطق بتاعك اتحسن القراءة هتساعدك كتير ومتخافش ممكن في الاول تقرأ مش مظبوط بس متقلقش هتاخد على النطق والاستماع هيساعدك بردو.
اهم حاجه في تعلم اي لغة هي الصبر ثم الصبر متستعجلش على نتيجه خرافيه دي لغه جديدة عليك مش لغتك الام مثلا متجيش تقارن نفسك بشخص مثلا دي اصلا لغته الام انت بتبدأ في لغه جديدة مش عارفها طبيعي انك مش تنطق بالظبط اصبر واتعب على نفسك كل ما تتعب اكتر هتلاقي نتيجه اللي ترضيك.
نصائح لتعلم اي لغه في البيت
١-الاستماع كثيرا
٢-كتابة اليوميات باللغه
٣-جهز النوت بتاعتك او كشكول خاص بتعلم اللغات
٤-نظم جدولك
٥-نظم وقتك
٦-حدد ساعه يوميا لتعلم اي لغه
٧-الصبر ثم الصبر عايز نتيجه اشتغل على نفسك عايز نتيجه اسرع اشتغل على نفسك اكتر
٨-اختار لغه تحبها عشان تتعلمها بكل حب وتبقى بالنسبالك لغه سهله انت مختارها وحابب انك تتعلمها
