لو عايز طب ابدأ من ساعتك مش من كتابك

ازاى تنظم وقتك وتجيب مجموع طب 

حلم الطب مش مستحيل ، هو محتاج نظام والتزام اكتر من ذكاء كتير من اوءل الثانويه العامه مش اذكى ناس ، بس منظمين جدا 

1- اعرف وقتك الحقيقى 

قبل ما تعمل جدول ، شوف يومك بيضيع ازاى وفين لمده ٣ ايام اكتب كل ساعه عملت فيها اى هتتصدم ان السوشيال ميديا بتاخد ٤-٥ ساعات لما تعرف المشكله هتعرف تحلها . امسح تطبيقات الى بتشتتك او اعملها وقت محدد بعد المذاكره 

2- قاعدة 50-10 الذهبيه 

مخك مبقدرش يركز اكتر من 50 دقيقه متواصله . ذاكر ٥٠ دقيقه عادى بتركيز كامل بدون موبايل وبغدها خد ١٠ دقايق راحه تقوم تتمشى وتشرب ميه . ٦ جلسات بالطريقه دى فى يوم ٥ ساعات مذاكره بجوده عاليه احسن من ١٠ ساعات وانت مش مركز 

3-ذاكر بذكاء مش بكتير

طلاب طب المستقبل مش بيحفظوا وخلاص استخدام طريقه الشرح ، بعد ما تخلص درس اشرحه لنفسك بصوت عالى كانك بتشرح لحد مش فاهم . لو عرفت تشرحه يبقى فهمت . واعمل ملخص بايدك لكل فصل ، الكتابه بتثبت المعلومه 70% اكتر من القراءه بس 

4- الجدول الاسبوعى مش اليومى 

متعملش جدول لكل يوم بالدقيقه ، لانه هيفشل اعمل هدف اسبوعى ، مثلا الاسبوع دا هيخلص فصلين احياء و ٣ دروس كيمياء وحل ١٠٠ مساله فيزياء . وقسمهم على الاسبوع براحتك لو تعبت تقدر تعوض اليوم الى بعده من غير متحس بلذنب 

5- النوم هو سلاحك السرى 

اكبر غلطه هى السهر . النوم من ١١ الى ٥ الفجر بيخلى المخ يحفظ الى ذاكرته . نام ٧ ساعات على الاقل والصبح بدرى هو الافضل وقت للحفظ من ٥ الى ١٠ الصبح تركيزك بيكون ٢٠٠ فى الميه 

6-الحل الكتير هو اللى بيجيب المجموع 

الى جابوا ٩٨ فى الميه مش اذكى ، هما حلوا كتير ، ومنها انك تخل كتير بعد متفهم الدرس ، حل عليه من كتابين مختلفين على الاقل . واعمل كشكول اخطاء تكتب فيه اى سوال غلطت فيه وتجعله كل جمعه واخيرا ، متنساش الجانب النفسى صلى وادعى كلم اهلك ، وخد يوم الجمعه نص يوم راحه تعمل فيه حاحات بتحبها . الاستمراريه اهم من الحماس لو التزمت ٨٠ فى الميه من الخطه لمده حياتك الدراسيه وتفضل تكرر الموضوع طول حياتك الدراسيه مجموع طب هيكون من نصيبك ان شاء الله ولازم اهم حاجه وهى الرقم  

7-عدم عدم عدم التراكم 🚫 

دا بيصعب عليك انك تكمل  لان وقت الطالب ديما بيكون مشغول فمتراكمش عشات لو الطالب راكم بس درس واحد عمره ميقدر يرجعه ولو حصل كدا حاول تمشى مع المدرسين والتراكمى  حاول انك تاخد درس كدا ودرس كدا واعرف ان ديما الم النحاح احسن بكتير من الم الفشل وان شاء الله كل واحد يوصل لحلمه