7 معلومات لازم تعرفها لو ناوي تدخل طب بشري

لو أنت طالب علمي علوم , ف أنت محتاج تكمل البوست ده للآخر لأنه هيفيدك جدا♥ .

الكليات الطبية تعتبر أفضل الكليات الي ممكن تدخلها  وعلى رأسهم كلية الطب البشري .

📌طيب اشمعنا الكلية دي بالتحديد دونًا عن باقي الكليات🤔؟

أولًا : عشان النظرة الاجتماعية للدكاترة ومكانتهم  وده بسبب المجهود العظيم الي بيبذلوه عشان يوصلوا للمكانة  دي .

ثانيًا: كبر حجم المسئولية الي شايلينها ,وده لأنهم مسئولين عن علاج جميع الفئات , باختلاف التخصص طبعًا.

ثالثا : فيها تخصصات كتيرة , وده بيديك حرية اختيار التخصص الي أنت عايزه ♥.

📌طب ايه التخصصات الي ممكن أدخلها؟

بص ياسيدي عندك فوق ال 30 تخصص ف الكلية ودول أهمهم:

1.جراحة عامة                     6. نسا وتوليد
2.جراحة العظام                  7. مخ و أعصاب 
3.جراحة العيون                  8. باطنة 
4.أنف وأذن وحنجرة          9. مسالك بولية 
5.أطفال                              10. أمراض القلب

📌هي الكلية فعلا صعبة ؟

عشان مضحكش عليك هيا اه صعبة , بس مش مستحيلة .
بمعنى.... أنك في الكلية (أي كلية ) عندك ميزة حلوة جدا عن ثانوي  وهو انك مش مطالب دايما انك تجيب 100% وتقفل كل المواد ,  أنت ممكن تلتقط انفاسك عادي , مش قصدي أحبطك بس الفكرة انك مش لازم تبقا سوبر هيرو زي ثانويه عامه , أنت ممكن تريح عاادي جدا بس مش علطول يعني مجرد انك تاخد بريك مش أكتر ✨.

📌طب هقدر اختار تخصصي امته؟

بص ياسيدي ... مبدئيا أنت الأول هتدرس 7 سنين , 5 سنين (2,5 اكاديمي – 2,5 اكلينيكال ) وسنتين تدريب علمي 
بعد ماتخلص بقا تقدر تتخصص فالتخصص الي تحبه .

📌ممكن اشتغل ايه بعد ما اتخرج؟

ممكن تبقا دكتور فالكلية تدرس للطلبة. 
ممكن تشتغل في  المستشفيات الحكومية .
أو ممكن كمان تفتح لك عيادة خاصة أو  . 
أو تشتغل في  المراكز الخاصة بالبحوث الطبية.
ممكن تشتغل  في العيادات أو المستوصفات.
وكمان مراكز التحاليل و  الإشعاعات.

📌ازاي اكون دكتور شاطر🫱🏽‍🫲🏻؟

عشان تبقا شاطر لازم يكون عندك كذا حاجه كده تميزك عن غيرك في نفس مجالك والي منها:

👈🏻تكون قادر على حل المشكلات الي ممكن تحصلك وتتعامل بسرعة  مع المخاطر وده عن طريق انك تسعف المرضي بسرعة وبدقة وتقدم لهم النصايح.

👈🏻انك تراقب وتابع حالة المريض عشان تعرف التطورات الي ممكن تحصله في فترة مرضه.

👈🏻تكون أمين ومخلص في سغلك عشان تكسب محبة الناس وتقدر تعالج المرضي بكل حب.

👈🏻تكون دقيق في شغلك وفي تشخيص الحالات المرضية.

👈🏻تكون بشوش وعندك انسانيه عشان تقدر تحسن من نفسية المرض الي ليها دور كبير في الصحة الجسدية.

👈🏻تكون اجتماعي وتشارك في الفاعليات الطبية زي المعارض والندوات الطبية والمناقشات والمحاضرات.

📌وعشان تكون متميز عن غيرك ف لازم تكون :

1- متقن اللغة الانجليزية ، وشاطر في المواد العلمية مثل الكيمياء والأحياء والرياضيات، وجايب درجات عالية فيهم  .

2- متميز  علميًّا وقادر على البحث العلمي، ومتمكن في مهارات الحفظ وتحليل المعلومات، والتفكير الجيد المنظم، والقدرة على التركيز والانتباه وسرعة البديهة.

2-  عندك مهارات الاتصال والتواصل تعرف تتواصل مع الناس، والناس تتواصل معاك  وتتعامل مع الناس بلطف وبشاشة ، وتعتمد على لغة الجسد من حيث الملامح والجدية والمشاعر، وتحدد مستويات المخاطر والمسؤوليات، والدقة في القراءة والعمل، والإهتمام  بالتفاصيل الدقيقة، وترتيب الأفكار  واعادة تجميعها واختصارها، وتكون قادر على تنظيم وقتك .

في النهاية لازم تكون عارف إن الطب مش سهل والمشوار طويل بس يستحق،  انت بس خليك اد المسئولية واعمل الي عليك وربنا هيكرمك ان شاء الله.

ولو عندك اي سؤال معين برضو اكتبه فالكومنتس وهنجاوب عليك 🫱🏽‍🫲🏻♥