*7 أيام تفصلك عن 99% : خطة طالب كان ضايع وجاب مجموع*
*7 أيام تفصلك عن 99% : خطة طالب كان ضايع وجاب مجموع*
بسم الله الرحمن الرحيم
رب اشرح لي صدري ويسر لي أمري واحلل عقدة من لساني يفقهوا قولي
لازم الأول نسأل نفسنا سؤالين:
هل الأسبوع كفاية تقدر تلم فيه المنهج؟
وهل في طريقة تخليك تنجح وتجيب مجموع عالي؟
المقالة دي معمولة لو انت شخص بتقعد على الكتاب بتعمل كل حاجة في الدنيا غير إنك تذاكر. لو انت الشخص ده فما تقلقش خالص لأن المقالة دي بإذن الله معمولة مخصوص عشانك. أنا هقول لك على شوية حاجات اعملهم وادعي لي:
*1. حيد مشاعرك*
يعني إيه؟ مفيش شخص بيحب المذاكرة. هتقول لي أمال الناس الدحيحة اللي بتقعد تذاكر أكيد بيحبوا المذاكرة؟
الفكرة مش في حب المذاكرة، الفكرة إن في واحد بيتعامل مع المذاكرة إنها مسؤولية. المذاكرة تمثل جهد بالنسبة للمخ. الشخص الدحيح بيقعد يذاكر سواء كان له نفس أو لا.
*2. بلاش مثالية*
بلاش تقول هذاكر مثلاً الساعة 8:00. شيل حتة المثالية في المذاكرة وخصوصاً اليومين دول. ابعد عن المشتتات: جيب التليفون اقفل الواي فاي من عليه أو الداتا أو اعمله صامت وشيله في أبعد مكان ممكن في البيت.
*3. هيئ الجو حواليك*
فهم أهلك إنك داخل تذاكر فهدوا الصوت، ولو مش عارف ذاكر في مكان تاني. أهم حاجة إن الدنيا تكون هدوء.
*4. قسّم المنهج صح*
أول حاجة لازم تعرف انت هتذاكر إيه في الوقت اللي انت محدده. نفترض إن الكيمياء خمس أبواب وانت معاك أسبوع، فهنقول إنك هتذاكر في اليوم باب وهيتبقى يومين تحل فيهم امتحانات. طب هتذاكر الباب ازاي؟ بردو هيتقسم. مثلاً الباب فيه أربع دروس هنقسمهم على مدار اليوم. ابدأ بأصعب درس بعدها الأسهل وهكذا.
*5. اقرا الأسئلة قبل ما تذاكر الدرس*
فانت لما هتعرف أسئلة الدرس بتتكلم عن إيه هتعرف النقاط المهمة في الدرس.
*6. ذاكر بورقة وقلم*
ده بيخلي كل حواسك تشارك في الحاجة اللي بتذاكرها فالمعلومة هتثبت في مخك.
*7. افهم ما تحفظش*
حاول تفهم الدرس ما تحفظوش، وحاول تشرح الحاجة بصوت، وحاول تعمل ملخص للدرس.
*8. ركز في الأساسيات*
ركز في الجزء اللي مبني عليه حاجات قدام. مثلاً أول باب في الكيمياء كان بيتكلم عن ازاي تكوّن معادلات، فانت لما هتذاكر الأول صح هترتاح في باقي الدروس.
*9. ادي نفسك استراحات صح*
ذاكر 25 دقيقة وخد بريك 5 دقايق. دي طريقة بومودورو وبتخلي مخك يفضل مركز من غير ما يفصل.
*10. نام كويس*
قلة نومك بتخلي المعلومات ما تثبتش في عقلك. إنك ما نمتش كأنك ما ذاكرتش حاجة.
الرسول صلى الله عليه وسلم بيقول: "إن لجسدك عليك حق". اعمل كل اللي تقدر عليه، بس مفيش حاجة تانية تقلقك في الدنيا.
كان الرسول صلى الله عليه وسلم بيقول: "اعقلها وتوكل".
*ودلوقتي فقرة الاقتباس*
1 "Success is the sum of small efforts, repeated day in and day out." — Robert Collier
هنا روبرت كولير بيقول: النجاح هو مجموع مجهودات صغيرة تتكرر يومًا بعد يوم.
2 _"The greatest glory in living lies not in never falling, but in rising every time we fall."_
هنا نيلسون مانديلا بيقول: قمة المجد ليست في عدم الإخفاق، بل في القيام بعد كل عثرة .
وبس كده ❤️
