نزول الحملة الفرنسية إلي مصر في أول يوليو عام 1798م
صباح الخير أعزائي طلاب الثانوية🥰 🤗
ذاكرتم الجزء اللي تكلمنا عنه في المقال اللي فات؟ 🤔 🤔 مين شاطر هيقولي اتكلمنا في ايه؟🤔 🤔 عارفه انكم كلكم شطار وأكيد ذاكرتم وهتقولولي اتكلمنا عن الحالة الإجتماعية والحالة السياسية للمجتمع المصري قبل نزول الحملة 😍 😍 برافو عليكم تمام👌 👍
طيب بما انكم فاكرين نكمل بقي ونشوف لما الحملة نزلت مصر نشوف عمو نابليون عمل ايه عشان يقوي سلطة فرنسا في مصر وازاي فكر بطريقة دبلوماسية 🤔 🤔
قال ايه بقي 🤔 🤔 قال أنا أجامل الدولة العثمانية علي قد ما أقدر 😒 😒
كمان أجذب المصريين لصفي ( هتجذبنا لصفك إزاي ياعمو الدبلوماسي 🤔 🤔) أنا أقنعهم إني جاي أحارب المماليك الوحشين😧 😧الغرباء عن بلادهم اللي بيسرقوا ثروتهم وبيظلموهم( لا والله🤔 🤔 لأ حنين يا بونابرتو 😠 😠على مين ياعمو دا احنا المصريين يا بونا🤨 🤨) المهم قال لهم أنا هعمل حكومة أهلية يكون الحكم فيها ليكم انتم ( مش بقولكم حنين 🤭 🤭 )
وراح كتب الكلام ده في منشور ووزعه عليهم قبل وصول الحملة للشواطئ المصرية والمنشور ده كتبه في شهر يونيو 1798( انا بكتب التواريخ للناس الدقيقة اللي بتحب تعرف كل حدث حصل امته بالتحديد 👌 👌)
المهم شوفوا دبلوماسية عمو بونابرت🤔 🤔 جاى يحتلنا وعايز يفهمنا أنه جاى يخلصنا من المماليك الوحشين وانت ايه يا عمو إنت اللي فلة شمعة منورة 🤨 🤨 دا انت في نفس ذات الوقت هددت بحرق القري واى منطقة هتتعرض للقوات الفرنسية 😱 😱 (ايوا يا بونابرت اظهر على حقيقتك 🤨 🤨 اومال ايه جاي اخلصكم من المماليك وظلمهم 🤨 🤨ما انتم أسوء منهم 😠 😠 بتتهددنا اننا لواتعرضنا لقواتك هتحرقنا ) بس علي مين دا احنا المصريين💪 💪
وفي أوائل يوليو 1798م فوجئ المماليك😱 😱بنزول الحملة طبعا كانوا مشغولين بالنزاعات اللي مابينهم وكل طاقتهم خلصت 😨 😨
فمكنش عندهم وقت لتحصين الحدود لمواجهة أي إعتداء خارجي (شطار ابقي اتعاركوا مع بعض اوي🤨 🤨)
طيب الحملة الفرنسية وصلت خلاص 😞 😞 هنسكت طبعا لأ 🤨 🤨قاومنا بكل قوتنا 💪 💪 هنشوف 1_مقاومة أهالي الإسكندرية:
لما الحملة وصلت الاسكندرية أهل اسكندرية الجدعان💪 💪 اللي انا منهم 🥰 🥰
قاوموا بكل قوتهم وكان زعيمهم في الوقت ده محمد كريم كان هو حاكم المدينة ( زي المحافظ دلوقتى كده😉 😉)
لكن مع الأسف 😥 😥 اعتقلوه وأعدمته القوات الفرنسية ضربوه بالرصاص الأندال😠 😠 (وده كان في سبتمبر 1798 شهيد بإذن الله يا زعيم 🤲 )
طيب تعالوا نشوف 2_ مقاومة المماليك في موقعتي شبراخيت وإمبابة:
بعد ما أعدموا الزعيم محمد كريم في الإسكندرية نزلوا القاهرة اللى كان مين بيحكمها في الوقت ده فاكرين 🤔 🤔 آه فاكرين 🥰 🥰 (اتنين من المماليك إبراهيم بك ومراد بك)
المهم القوات الفرنسية التقوا بقوات مراد بك في منطقة قريبة من شبراخيت ( فين شبراخيت دي عزيزي الطالب 🤔 🤔 شبراخيت في محافظة البحيرة) شطار👍 👍
المهم هزمو مراد بك وطلع يجري علي القاهرة عشان يدافع عنها وقعد في منطقة امبابة( طبعا عارفين امبابة 🙂 🙂) المهم المماليك واجهوا القوات الفرنسية مرة تانية في إمبابة ( المواجهة الاولي كانت في شبراخيت ما اقولت لكم) لكن مع الأسف😥 😥 نجحت القوات الفرنسية في هزيمة المماليك وعمو مراد بك هرب الي الصعيد 🙄 🙄وابراهيم بك وعمو الوالي العثماني هما كمان هربوا إلي الشام😠 😠
طبعا خلي الجو لنابليون ودخل القاهرة ما خلاص مبقاش حد فيها يدافع عنها😠 😠 مين اللي هربوا🤔 🤔(اصحوا معايا 🥰 🥰مراد بك هرب للصعيد وابراهيم بك وعمو الوالي هربوا للشام)
عزيزي الطالب اتكلمنا في المقال ده عن 3 نقاط 1_نزول الحملة الفرنسية لمصر 2_مقاومة أهالي الإسكندرية 3_مقاومة المماليك في موقعتي شيراخيت وإمبابة (صح🤔 🤔 جزء بسيط اهو ذاكروه بقي🥰 🥰 )
نكتفي بهذا القدر وان شاء الله نكمل المقال القادم اللي هنتكلم فيه عن 3 نقاط برضوا
1_ موقعة أبي قير البحرية 2_ مقاومة أهالي الصعيد الشجعان 3_ ثوة القاهرة الأولي
سلام 👋 🤗 🤗
مع خالص أمنياتي لكم بالتوفيق والنجاح🥰 🥰
دمتم بحفظ الله ورعايته 🤲
