المجتمع المصري قبل الحملة الفرنسية

أولا: الحالة الإقتصادية: (فيها هنتكلم عن الزراعة والصناعة والتجارة) 

1_الزراعة: 

_الأرض كانت ملك للدولة ممثلة في السلطان العثماني كانت تزرع عن طريق الفلاحين بعد تسديد الضرائب ويعرف ذلك بحق الانتفاع 

_هذه الضرائب كانت تجمع بواسطة ملتزمين، (الملتزم كان بيستفاد ايه بقي لما يجمع الضرائب من الفلاحين🤔كان بياخد قطعة أرض معفاة من الضرائب (تعرف بالوسية) هذا الملتزم مع الأسف كان يستغل نفوذه ويفرض إتاوات على الفلاحين  الغلابة 😥 ده غير الضرائب المقررة عليهم أصلا 😟 طماع الملتزم ده😠عايز يكسب أكثر على حساب الفلاح المسكين مش مكفيه انه بياخذ قطعة أرض معفاة من الضرائب لأ كمان بياخد فلوس من الفلاحين بلطجة كده 😒 بدون وجه حق 😠وكانت نتيجة سطوة الملتزم وجشعه ايه🤔 الفلاحين قالوا واحنا هنتهم بالزراعة ليه 🤔وهى اصبحت بخسارة علينا يعني ندفع للسلطان ضرائب وكمان الملتزم ياخد مننا إتاوة😢خلاص مش هنهتم بالزراعة كده كده الدولة مش بتهتم بالري ولا بتقوي الجسور عشان تقاوم اى فيضان محتمل، يبقي انا اهتم ليه فكل ده طبعا أدى لتدهور الزراعة.

 عزيزي الطالب بعدما  الزراعة تدهورت 😟  ماتيجوا نشوف الصناعة أخبارها ايه 🤔    

2_ الصناعة: (تدهورت) برضوا 😟لا حول ولا قوة إلا بالله مش كفاية الزراعة  😟

طيب الصناعة كانت متدهورة ليه  عشان كانت صناعة يدوية بسيطة بيشتغلوا بايدهم مش عندهم آلات حديثة زي آروبا،  كمان الصناع كانوا عاملين طوائف تمثل همزة وصل مع الحكومة كانوا يجمعوا الضرائب ويشرفوا عل الإنتاج، (يعني ايه طوائف كل مجموعة من العمال لهم ريس بيكون واسطة بينهم وبين الحكومة تمام كده😒)  طوائف الحرف الصناعية دي كانت جزء من نظام الطوائف في مصر اللي  بيضم اصحاب المهن المختلفة و لكل فرد منهم مكانته تحت قيادة شيخ الطائفة.

3_ التجارة:

 بسبب تحول الطريق التجاري بين الشرق والغرب إلي طريق رأس الرجاء الصالح، مصر خسرت كتيير  ليه بقت خسرت🤔 تعالوا اقولكم خسرت ليه😟

  أولا:             لأن صلاتها التجارية اقتصرت بحوض البحر المتوسط والسودان والحبشة وبلاد العرب واليمن.

ثانيا: تجارتها الداخلية تأثرت طبعا لعدم استقرار الأمن واشتداد النزاع بين الفرق العسكرية والغارات المستمرة لبدو الصحراء وعدم ثبات العملة المتبادلة واختلاف المكاييل والموازيين من مكان لآخر؛ كل هذه الأحوال مكنت التجار الأجانب  من السيطرة على التجارة (استغلوا الفرصة طبعا 😞مافيش استقرار😟 في نزاع بين الفرق😟 في غارات بتسرق وتنهب😟 مافيش ثبات للعملة 😟المكاييل مش واحدة كل مكان له مكيال 😓)

 كمان من أسباب سيطرتهم على التجارة تنظميهم من ناحية (كانوا منظمين ولاد الإيه دول )😒

وكانوا لهم امتيازات تجارية تمتعوا بها من ناحيةتانية ( امتيازات مخصوص لهم هما بس طبعا 😏ماهما ولاد البطة البيضة😒) ما علينا 🤫🤫🤫

وكمان إرسال الضريبة المفروضة على مصر وهدايا كتيير كتيير  للسلطان العثماني   😏😏كل ده عزيزي الطالب أدي إلي التدهور الاقتصادي🙁😥 (وده طبعا كانت  نتيجة متوقعة ماهو لو كان فيه استقرار ومافيش نزاع ومافيش سرقة ولا نهب وبنكيل بمكيال واحد وبقينا  ايد واحدة مستحيل حد يقدر علينا 🤝✌ )

عزيزي الطالب نكتفي بهذا القدر 🥱 وللحديث بقية 😎متنسوش تذاكروا الجزء المتدهور ده🤫

دمتم في حفظ الله ورعايته😊🤗