لماذا الثانوية العامة مصدر لرعب وحزن ابنائك؟
لماذا الثانوية العامة مصدر لرعب وحزن ابنائك؟
علي مدار عدة سنوات وتحديداً بعد ان اصبح للتعليم اهمية ، كانت هذه السنة مصدر انهيار وخوف الكثير من الطلاب وهي سنة تضع الكثير من الضغط على الأهالي والطلاب ايضاً
كطالب في الصف الثالث الثانوي انت محاط بالضغط من اهلك والمجتمع و المقارنات بأقاربك وزملائك
و طبعا كل الناس شايفة إن الثانوية العامة هي اللي هتحدد مصيرك، وكأن مستقبلك كله متوقف على رقم هيتكتب في ورقة. بس محدش بيفكر إن الطالب في المرحلة دي محتاج دعم نفسي أكتر من أي وقت تاني في حياته. محتاج يسمع كلمة حِنينة من مامته او باباه ويسمع تشجيعهم..وكمان يشوفه…..
-الضغط اللي بيعيشه طالب الثانوية العامة مش سهل، ولا بيتقاس بعدد ساعات المذاكرة، لكنه بيتقاس بعدد الليالي اللي بينام فيها وهو حاسس بالخوف من بكرة، وعدد المرات اللي بيعيط فيها لوحده لأنه حاسس إنه مش قادر يكمل، رغم إنه بيحاول بكل طاقته.
الأهل ساعات بيكون قصدهم التشجيع، بس الكلمة اللي تطلع منهم ممكن تكون زي السهم في قلب الطالب. محتاجين يفهموا إن الدعم المعنوي مش رفاهية، ده أساس. الكلمة الحلوة بتفرق، والنظرة اللي فيها ثقة بتخلي الطالب يحس إنه مش لوحده في المعركة دي. بدل ما نقعد نهزق ف الطالب و نقوله كلام يخليه يحس بيأس " نخليها "اعمل اللي عليك وربنا هيكرمك...إن الله لا يضيع اجر من احسن عملاً" او حتى نطمنهم بس ونقلوهم انه مش هيفرق المجموع اللي تجيبوه احنا هنفضل نحبكو زيي م انتو بس احنا عايزين نشفكو حاجة كبيرة ونفرح بيكو.
كمان لازم نفهم إن الغلط مش نهاية العالم، وإن النتيجة مش معيار الذكاء أو النجاح في الحياة. في ناس جابت مجموع كبير وما قدرتش تحقق حاجة بعد كده، وفي ناس مجموعها كان بسيط بس حققت نجاحات عظيمة لأنهم ما استسلموش. الثانوية العامة مرحلة، مش نهاية، هي مجرد طريق يوصلك لهدفك.
والطلاب لازم يفهموا إن المذاكرة مش بس تعب، لكنها كمان تجربة هتعلمك الصبر وتنظيم وقتك والاعتماد على نفسك. هتتعلم إنك كل مرة تقع، لازم تقوم أقوى. والأهم إنك ما تسمحش لأي رقم أو نتيجة تحدد قيمتك.
خلينا نكون دايمًا السند لبعض، الأهل يسمعوا أولادهم، يشجعوهم، والطلاب ما يخافوش يحكوا عن تعبهم أو قلقهم. لأن الكلمة الطيبة بتغير كتير، والاحتواء هو العلاج الحقيقي لكل ضغط.
وفي النهاية، الثانوية العامة سنة صعبة، أيوه، لكنها مش مستحيلة. لو الطالب لقى الدعم من أهله، وكلمة تشجيع بدل المقارنة، وثقة بدل اللوم، هتكون السنة دي نقطة بداية حلوة في حياته، مش ذكرى مؤلمة.
خلاصة الموضوع
الثانوية العامة أصبحت مصدر رعب لكثير من الطلاب بسبب الضغط الكبير من الأهل والمجتمع، وكأن مستقبل الطالب كله متوقف على رقم في ورقة. الطالب في المرحلة دي محتاج دعم نفسي وتشجيع أكتر من أي وقت تاني. كلمة بسيطة من الأهل ممكن ترفع معنوياته أو تكسره تمامًا. لازم نفهم إن الغلط مش نهاية العالم، وإن المجموع مش هو اللي بيحدد قيمة الشخص أو نجاحه. الثانوية العامة مرحلة مؤقتة بتعلّم الصبر وتنظيم الوقت، مش نهاية الطريق. الأهل لازم يكونوا سند، والطلاب ما يخافوش يعبروا عن تعبهم. بالكلمة الطيبة والدعم، السنة دي ممكن تبقى بداية جميلة مش ذكرى حزينة.
