نصائح من طلاب سابقين

مرحبا عزيزى القارئ/ة

ستحتوي هذه المقالة على بعض العامية 

قمت بجمع اراى طلاب سابقين قد كانوا في المرحلة الثانوية وساقوم باستعراضها لك ….كوني اعلم ان الطالب في هذه المرحلة يكون متوتر وقلق ويريد ان يسمع قصص السابقين

اما الان استعرض نصائح الطلاب 

إيمان:

بلاش يبتدوها جد اوي علشان الملل في نص الطريق

مريم صلاح :

ان كنت ساعطي نصيحة لاحد لاتقوم بالخوف من كلمة ثانوية عامة لأنه سيكون عام طويل ولديه الكثير من الفرص ليقوم بدراسة المنهاج الدراسي اكثر من مرة اهم شي ان يصلى ويتقرب من الله عز وجل 

سيدرا القزاز

متخليش حاجة توقف ف وجهك هي سنة فعلا وهتعدي ، هتعدي اسرع مما انت تتخيل فعلاً هتلاقي نفسك ف يوم وليلة بتفتكر كل التعب اللي انت تعبته و كل المشاكل اللي حصلتلك وهتلاقي نفسك بتقول هي كانت حاجات بسيطة فعلا بس انا اللي كبرت الموضوع

 هتلاقي نفسك داخل على مرحلة جديدة محتاجة منك انك تكون شخص تاني ، شخص اقوى ، أكبر، اوعى، مهما دخلت فرع في الجامعة مهما كانت نتيجتك افضل بس فخور ف نفسك و عشان تكون فخور مهما كانت النتيجة اسعى ضمن السنة، متضيعش السنة لعب ولهو عشان مش هتعرف تكون فخور حتى بتعبك طوال السنة 

شهد عماد :

ركز مع نفسك ومتقارنش نفسك بحد وابعد عن اللي مش شبهك مش تغير نفسك عشانهم

اسراء عرفة:

بصي اول حاجه لازما تركز اوي على هدفها وتحدده من اول الطريق مش لازما تبتديها جامد اوي بس المهم ان هي تستمر خلي عندها ان اكيد اكيد مهما حصل في النتيجه او بعدين أن ربنا  مش هيضيع تعبها وخليها دايما متاكده ان الله يجزي من احسن عملا وان شاء الله ربنا يرزقه

سهيلة 

ميراااكمش وميغيرش مدرسين يحاول يختار صح من الاول زي انو يسأل ناس خلصت عن احسن مدرسين مش مجرد مشهورين وبس

فاطمة:

نصيحتي ليهم انهم يذاكرو اول بأول وميراكموش و اى وقت فى السنه يبدأو فيه حتى لو كان قبل الامتحانات بشهر  هيلحقو يخلصو وان هى سنه ذى اى سنه ومش صعبه وهى عايزه حد عنده عزيمه وإراده دايما وأهم حاجه يقربو من ربنا ويحاولوا دايما يسيطروا على قلقهم واليوم  اللى ميذاكروش فيه وميكنش لهم نفس يذاكروا  ميضيعهوش فى الاكتئاب يستمتعو بيه ويعملو موف اون عشان يجددو نشاطهم للمذاكره وربنا يوفقهم كلهم ويحققوا اللى بيتمنوه

اماني خلاف :

علاقتك ب ربنا وأهلك ..

في النهاية احب ان اخبرك القصة قصتك انت تكتبها بيدك

الثانوية ليست النهاية (كل نقطة صفر بداية لقصة جديدة )

ومن تجربتي انها سنة ممتعة ستتعلم وتتعرف على اشخاص جدد لا تستسلم رغم الصعاب 

القصة ليست في الجامعة انها بك انت   … القصة تكتب بيدك