نتيجه الثانوية العامه😕
نتيجه الثانوية العامه بيوت المصريين في يوم نتيجه الثانويه العامه يا بتبقي أفراح وطبلورزع ويبقي احلي يوم في تاريخ العيله يا بيبقي ميتم و حرفياً بتبقي ايام صعبه علي الشخص اللي جاب المجموع وعلي اهله رسالتي للشخص اللي متوفقش ومجبش مجموع عالي في الثانويه العامه انا عارف اللي بتحس بيه وانا حاسس بيك جداً لإنه في الأغلب بيتبصلك في البيت علي أنك بقيت الكرت المحروق اللي مبقاش ليك لازمه وممكن تبقي قاعد في اوضتك وبتعيط وده طبعاً حقك بس أنا عايز اقولك حاجه مهمه جداً انت صحيح لا تملك التحكم في رد فعل الآخرين يعني رد فعل اهلك او المجتمع اللي محيط بيك لكن الحاجه الوحيده
اللي تقدر تتحكم فيها هي رد فعلك انت بمعني ايه؟!! دلوقتي انت لو لقدر الله متوفقتش في الثانويه العامه ومجبتش مجموع او حتي مجبتش مجموع اللي انت كنت بتحلم بيه فالمطلوب منك أنك مطولش في الزعل ودي اول حاجه وتاني حاجه وركز معايا أنك تفرح تقولي افرح علي خيبه ايه؟!!! هقولك تفرح إنك خلصت من السنه العصيبه دي وتحمد ربنا وتقول الحمدلله عدت علي خير طيب انا لو لقدر الله معدتش من السنه دي لسه؟!! خلاص قدر الله وماشاء فعل وركز أنك تعدي منها واهم حاجه مطولش في حزنك لإن صدقني حزنك لما يطول فهو والله ملوش لازمه ولا هيقدم ولا هيأخر بل بالعكس هيخليك قاعد تبص تحت رجليك بس وعمرك ما هترفع رأسك وتبص قدام تالت حاجه وده السبب اللي خلاني اكتب كل اللي فوق ده أنك لازم تخش الجامعه بعقليه إن انت تتعلم بالله عليك جو طارق كبو والعبط اللي بيتقالك ده فكك منه وركز في الكليه علي أنك تتعلم لغه جديده لو انت مثلاً كنت عايز حاسبات بس مجبتش مجموعها فتعلم البرمجه وانت في الكليه اتعلم مونتاج اتعلم لغات (إنجليزي،فرنساوي،الماني) اتعلم بالله عليك متخش بعقليه يارب البنات تشوفني علشان والله فعلاً هتبقي سوحت أنا قلبي عليك اتعلم طول الفتره بتاعه الكليه دي اعصر نفسك تعليم فيها مش معني كلامي طبعاً أنك متتبسطش لا يعم اتبسط بس متسوحش نفسك علشان بجد لو دخلت في سكه شله طارق كبو دي هتلاقي نفسك اتخرجت ولا معاك لغه ولا مهاره وسوق العمل هيعمل منك مساحه Welcome من اللي بتتحط قدام الباب دي او الحمام متدقش
قدم اعذر من انذر❤️
وخد بردو الفيديوهات دي هتفرق معاك جداً
https://youtu.be/H0k2bfKrhho?si=lPQEBsG8NGekvX--
https://youtu.be/iwTCcPUlCIc?si=O8TKsrPbC09x_i8d
https://youtu.be/rCcGuF_zWMo?si=WspAAs7AmQK_rTsP
