نصائح لطلاب الثانويه العامه

نصائح لطلاب الثانويه العامه

0 المراجعات

إزاي تلم المنهج المتراكم..

١- أول حاجه بطل تقلل من نفسك ومن قدراتك 

أي حاجة هتحددها لنفسك هتخلصها بإذن الله خلي عندك ثقه بالله وفي نفسك وفي قدراتك .

2-جهز أدواتك على المكتب بتاعك عشان متقومش كتير ولو مش عندك مكتب بلاش تذاكر على السرير لانك مش هتكون كملت حاجة بسيطة وهتلاقي نفسك قدام حاجة من الاتنين إما عايز تنام إما ضهرك وجعك ، خلي حاجتك منظمة ومرتبة بالطريقة المناسبة ليك وإلا بتريحك وتفتح نفسك للمذاكرة ، هات كل إلا هتحتاجه عشان متقعدش تقوم كل شويا وتفصل من جو المذاكرة احرص على انك متتحركش غير وقت البريك .

3-ذاكر وخد راحه فالنص مثلا ذاكر 25دقيقة وريّح 5دقايق اقرأ قرآن أو اخرج البلكونة شم هواء او كلم حد بتحبه يشجعك تكمل وتستمر وتنجز إلا وراك .

(ملاحظة) متفتحش سوشيال في الوقت ده عشان التشتت وكرر نفس الخطوه دي  من الأول تاني وهكذا .

(ملاحظة) لو انت من النوع الا لو اخذ بريك كل وقت صغير بيفصل ومش بيعرف يكمل فمتتحركش قبل ساعتين مذاكرة واحرص على انك تبعد الفون او اي حاجة تشتتك ولما تاخد بريك بلاش يزيد عن ساعة لو لسا هتكمل .

4- ابدأ بالمواد السهلة هتشجعك تذاكر أكتر وتلم كل ال فاتك وشجع نفسك دايماً (لما بتكون بتلعب جيم او بتشات مع حد وكان وراك حاجة بتقعد تقول خمس دقايق وهقوم والخمسة بتجيب خمسة وهكذا لحد مبيعدي ساعات واحياناً ايام ، اتبع نفس الطريقة فالمذاكرة كل متخلص الكمية قول كمان الخمس صفح دول وهكذا او كمان موضوع او كمان خمس دقايق هتلاقي نفسك بتنجز كميات مكنتش تتخيل نفسك تنجزها اصلا).

5-حدد هدفك الأساسي من المذاكرة وخليه حافز قدامك في طريقك ، ممكن تكتبه على ورقة وتلزقها قدامك او تكتبه في اول صفحة في الكتاب او الكشكول او ممكن تعمله ك إشعار على الفون يجيلك بشكل يومي يفكرك انك تقدر تحقق هدفك وحلمك وتقدر تفرح وتفرح إلا حواليك وتقدر تثبت نفسك .

6- عندك أوقات مختلفه للمذاكرة سواء بالليل أو بعد الفجر او الصبح اختار مكان هادي ، صلي فروضك في وقتها واقرأ قرآن حتى لو صفحة واحدة ف اليوم المهم انك متسبش مصحفك لحد ميتراكم عليه الغبار .

ومرة تاني ارجع واقولك بلاش بلاش تقول أن المذاكرة ساعتين جد وكوباية شاي بلاش تزنق نفسك زنقة الكلب وتضغط نفسك محدش هيتعب غيرك .

7-شارك المعلومات إلا بتستفادها ده هيثبتها عندك اكتر وذاكر بطريقة الخرائط الزهنيه هتساعدك على التذكر وخلي كتبك وكشكولك منظمين هيفرق معاك كتير .

8-نام كويس من 8:6 ساعات النوم مهم جداً عشان تذاكر بتركيز واتأكد انك تأكل كويس وتهتم بصحتك الجسدية والنفسية وافرح بابسط الأشياء وخليك دايماً متفائل (تفائل بما تهوى يكن)

ازاى تهتم بصحتك

يجب عليك شرب الماء الكثير لانه ينشط العقل ولعب الرياضه  لان العقل السليم في الجسم السليم ويجب عليك تناول وجبات صحيه لتساعدك على التركيز وتعطيك طاقه جيده

 وفي فتره الامتحانات لا يجب عليك شرب كميات كبيره من القهوه او مشروبات الطاقه او الشاي او الكولا التي تؤدي الى تعطيل جدول نومك ويمنعوك من الحصول على الراحه التي تحتاجها قلل من شرب هذه المشروبات لانها تضعف من حده عقلك ولا يجب عليك تفويت الوجبات اثناء فترات الاختبار ستؤدي الى انخفاض الطاقه ويجب تناول جميع وجباتك في الموعد المحدد 

وفقا لجدول دراستك يزيد التوتر الناتج عند الامتحان من حاجه الجسم الى بعض الفيتامينات القابله للذوبان في الماء بما في ذلك فيتامين ب المركب وفيتامين ج وكذلك المعادن مثل الزنك تساعد هذه المعادن في انتاج وتشغيل هرمونات الغده الكظريه والتي تعد في الاساس هرمونات تخفيف التوتر في الجسم وتشمل الاطعمه المفيده الارز البني واللوز والبيض والمنتجات الطازه والسلمون والجزر والقرع والخضروات الورقيه والفواكه الطازه هذه الوجبات تقلل احتماليه اصابتك بالمرض اثناء الامتحانات

التعليقات ( 0 )
الرجاء تسجيل الدخول لتتمكن من التعليق
مقال بواسطة

المقالات

2

متابعين

1

متابعهم

1

مقالات مشابة