ايه الأخطاء اللي وقعت فيها في أول شهر ثانوية عامة !!!!

أخطاء وقعت فيها في أول شهر من ثانوية عامة.. ياريت كنت أعرفها بدري

لو كنت لسه داخل ثانوية عامة، غالبًا عندك إحساس بالحماس والخوف في نفس الوقت. بتبدأ السنة وأنت متخيل إنك هتذاكر من أول يوم بأقصى طاقتك، وتشتري كل الكتب، وتعمل جدول مثالي تلتزم به طول السنة وخلاص كده احنا ضمانة ثانوية عامة . 

وده بالضبط اللي حصل معايا. كنت فاكرة إن البداية القوية هي أهم حاجة، لكن مع الوقت اكتشفت إن بعض الحاجات اللي عملتها بحماس كانت بتضيع وقتي بدل ما تساعدني وكانت بتاثر عليا نفسيا،وظن إن هي بتاثر في المجموع لأن ببقى حاطه نفسي تحت ضغط كبير والتزامات كتيير ممكن مستفاد منها حاجة في الاخر  .  

في المقال ده هحكي عن أخطاء وقعت فيها في بداية ثانوية عامة، واللي كنت أتمنى حد يقولهالي قبل ما أبدأ، عشان أي طالب جديد يقدر يتجنبها ويوفر على نفسه وقت ومجهود

 

 

 

 

 

 

الخطأ الأول: الحماس الزائد في البداية

أول غلطة وقعت فيها كانت إني دخلت ثانوية عامة بحماس كبير جدًا. كنت عايزة أبدأ كل حاجة مرة واحدة، وأحضر كل الدروس وأذاكر لساعات طويلة، وكنت فاكرة إن ده معناه إني هنجح أكتر.

لكن بعد فترة قصيرة بدأت أحس بتعب وضغط، والحماس اللي كان عندي في البداية قل بشكل كبير. وقتها فهمت إن المهم مش إنك تبدأ بأقصى طاقة عندك، المهم إنك تقدر تستمر بنفس المستوى لأطول فترة ممكنة.

ومن الحاجات اللي اكتشفتها كمان إن مش لازم تبدأ مع كل المدرسين من أول يوم لمجرد إن الناس كلها بدأت. لو أنت لسه مش مهيأ نفسيًا أو محتاج ترتب نفسك الأول، خُد وقتك البسيط وابدأ لما تكون مستعد. البداية المتأخرة بأيام مع استعداد نفسي أفضل من بداية متسرعة تخليك تفقد حماسك بسرعة.

في رأيي، الاستمرارية أهم بكتير من البداية القوية. لأن ثانوية عامة سنة طويلة، واللي بيكمل فيها غالبًا هو اللي عرف ينظم مجهوده، مش اللي بدأ بأكبر حماس.

لكن بعد فترة قصيرة بدأت أحس بتعب وضغط، والحماس اللي كان عندي في البداية قل بشكل كبير. وقتها فهمت إن المهم مش إنك تبدأ بأقصى طاقة عندك، المهم إنك تقدر تستمر بنفس المستوى لأطول فترة ممكنة .

 

 

 

 

 

 

.الخطأ الثاني: المبالغة في شراء الكتب الخارجية

من أكثر الأخطاء اللي وقعت فيها إني كنت فاكرة إن كل ما أشتري كتب أكتر، مستوايا هيبقى أفضل. كنت كل ما أسمع حد يرشح كتاب أقول لازم أجيبه، وفي الآخر لقيت عندي كتب كتير، لكن مكنتش بلحق أستفيد منها كلها.

بعد فترة فهمت إن كثرة المصادر مش معناها مذاكرة أحسن. بالعكس، ساعات بتسبب تشتت، لأن كل كتاب له طريقته في الشرح والأسئلة.

من وجهة نظري، يكفي يكون عندك كتاب أو كتابان لكل مادة حسب احتياجك. الأهم إنك تذاكرهم كويس، وتحل أكبر قدر ممكن من الأسئلة، بدل ما تجمع كتب كتير وتسيب معظمها من غير استخدام.

في النهاية، جودة المذاكرة أهم من عدد الكتب اللي على مكتبك.